ग्रिजमन एट्लेटिको छाड्ने - Chautari Post Online
Thursday, May 23News That Matters

ग्रिजमन एट्लेटिको छाड्ने

एजेन्सी – स्पेनिस क्लब एट्लेटिको म्याड्रिडका फरवार्ड एन्टोइन ग्रिजमनले क्लब छाड्ने घोषणा गरेका छन् ।

फ्रान्सका फरवार्ड ग्रिजमनलले एटलेटिको छाडेसँगै बार्सिलोनाले उनलाई अनुबन्धन गर्ने प्रस्ताव अगाडी सारेको छ । क्याटलान क्लबले १०४ मिलियन पाउन्डको प्रस्ताव गर्नेछ । एटलेटिकोले उक्त प्रस्ताव स्वीकार गरे २८ वर्षीय ग्रिजमन १ जुलाईमा बार्सिलोना प्रस्थान गर्नेछन् ।

ग्रिजमनको क्लब छाड्ने प्रस्तावलाई यसपटक क्लबले रोकेन । उनलाई गत सिजन पनि बार्सिलोनाले अनुबन्ध गर्ने प्रयास गरेको थियो । क्लबका अध्यक्ष मिगुएल एन्जल गिल र प्रशिक्षक डिएगो सिमोनीसँगको सल्लाहमै ग्रिजमनले क्लब छाड्ने घोषणा गरेका हुन् । अध्यक्ष गिल र प्रशिक्षक सिमोनीले उनको उज्जल भविष्यको कामना गरेका छन् ।

क्लब छाड्ने पक्का भएसँगै ग्रिजमनले सामाजिक सन्जालमा भिडियो पोस्ट गर्दै चोलो (सिमोनी) र अध्यक्ष गिललाई धन्यवाद व्यक्त गर्दै क्लब छाड्ने आफ्नो निर्णय सही भएपनि मलाई अर्काे क्लबमा ठुलो चुनौती हुने बताएका छन् । ‘यो निर्णय पक्कै सहज छैन । मैले यहाँ ५ वर्ष बिताए । मेरा समर्थक र सबैलाई भन्यवाद । मैले यहाँ मेरो लागि पहिलो ट्रफी जितेको छु । क्लबमा बिताएको अविस्मरणीय क्षणलाई म कहिल्यै बिर्सने छैन,’ ग्रिजमनले भनेका छन् ।

 

प्रतिकृया दिनुहोस्