कुटपिटबाट मारिएका यादवको शवसहित प्रदर्शन - Chautari Post Online
Friday, July 19News That Matters
centered image

कुटपिटबाट मारिएका यादवको शवसहित प्रदर्शन

सरोज यादव, विराटनगर । विवाहको बिषयमा विवाद हुंदा मरणासन्न हुनेगरि कुटिएको दाबी गरिएका विराटनगर १४ का सेमानन्द यादवको मृत्यू भएपश्चात मृतकको शवसहित आफन्तले प्रदर्शन गरेका छन् ।

मृतकका आफन्तले दोषीलाई कारबाहीको माग गर्दै शुक्रबार विराटनगरको कोशी अञ्चल अस्पताल बाहिर सडकमा शवुहित प्रदर्शन गरेका हुन् । कोशी अस्पतालमा उपचाररत यादवको बिहीबार राती सवा ९ बजे मृत्यु भएको थियो । मृतकका आफ्न्तहरुले घटनामा संलग्न ब्यक्तिहरुलाई पक्राउ नगरेसम्म मृतकको शव नबुझ्ने अडान लिएका छन् ।

मृतकका आफ्न्त बिजेन्द्रले घटनाको बिषयमा मुद्धा दर्ता भएको लामो समय वितिसक्दा समेत प्रहरीले अभियुक्तहरुलाई पक्राउ गर्न आनाकानी गरिरहेका कारण आफुहरुले शव नबुझने बताएका छन् । उनले अभियुक्तहरुलाई पक्राउ गरि करबाही चलाएमात्र शव बुझ्ने बताए । जिल्ला प्रहरी कार्यालय मोरंगका डिएसपी राजकुमार खिउजुले सो घटनाका विपक्षीहरुबिरुद्ध ज्यान मार्ने उद्योग अन्र्तगत मुद्धा दर्ता रहेको र सम्बन्धित ब्यक्तिहरुको खोजी कार्य तीब्र पारिएको जानकारी दिनुभयो ।

सो घटनामा पीडित पक्षले विराटनगर १४ का वडाध्यक्ष बलदेव यादव सहितका अन्य ब्यक्तिहरु बिरुद्ध ज्यानमार्ने उद्योगमा मुदा दर्ता गराएको छ । आफुले रोजेको केटीसंग छोरोले विवाह गर्न नमानेपछि जेठ ३२ गते विराटनगर १४ का वडाध्यक्ष बलदेव यादवको घरमा भएको पंचायतीको क्रममा उहाँलाई कुटपीट गरिएको पीडित पक्षको आरोप छ । सो क्रममा उहाँको सर्भाइकल स्पाइनमा गम्भीर चोट लागेको पीडित पक्षले जनाएको छ । यता सो घटनामा आफ्नो संलग्नता नरहेको भन्दै विराटनगर १४ का वडाध्यक्ष बलदेव यादवले प्रेस विज्ञप्ति जारी गर्दै खन्डन गरिसकेका छन् ।

उहाँले छलफलको क्रममा सेमानन्दले मानसिक आवगेमा आफैँले आफ्नो टाउको भित्तामा ठोक्काएको दाबी गर्नुभएको छ ।

नेपाल समाचारपत्रबाट ।

प्रतिकृया दिनुहोस्