काठमाडौं – नेपाली राष्ट्रिय टोलीका युवा लेग स्पिनर सन्दीप लामिछानेले आगामी संस्करणको विग ब्यास लिग मेलवर्न स्टार्सबाटै खेल्ने भएका छन् । सन्दीपको ब्यवस्थापन हेर्दै आएका नेपाली टोलीका टेक्निकल म्यानेजर रमन शिवाकोटीले सन्दीप मेलबर्न स्टार्सबाटनै विग ब्यास खेल्ने पक्का भएको जानकारी दिए । तर सम्झौंता हुन भने बाँकी छ ।
‘सबै कुरा मिली सकेको छ,सन्दीपले मेलवर्न स्टार्सबाट खेल्ने पक्का हो,’शिवाकोटीले भने,’जसको लागि एक दुई दिनमै सम्झौंता हुनेछ ।’
सन्दीपले कति पारिश्रमीक पाउने भन्ने पनि पछिनै थाहा हुने शिवाकोटी बताउछन् । यस पटक सन्दीपले मेलवर्न स्टार्ससँग पुरै खेल खेल्ने छन् । विग ब्यास अवधीमा अन्य कुनै लिगको लागि सम्झौंता गर्ने छैनन् । सन्दीप गत वर्ष विग ब्यास खेल्दा बिचमै छोडेर बंगलादेश प्रिमियर लिग खेल्न गएका थिए ।
सन्दीपले गत वर्षको विग ब्यासमा उत्कृष्ट प्रर्दशन गर्दै ८ खेलमा ११ विकेट लिएका थिए । स्टार्सलाई फाइनल सम्म पुर्याउन सन्दीपको प्रर्दशन महत्वपूर्ण थियो । सन्दीप हाल क्वारेवियन प्रिमियर लिग खेल्न वेस्ट इन्डिजमा छन् । बिग ब्यासमा गत वर्ष सन्दीपको टोलीले फाइनलमा मेलबर्न रेडेगर्ससँग १३ रनको हार ब्यहोरेको थियो । आगामी संस्करणको विग ब्यास डिसेम्बर १७ देखि २०२० को फेब्रुअरी ८ सम्म अष्टे«लियाको विभिन्न सहरमा हुनेछ । विग ब्यासमा ८ टोलीले होम अवे खेल्नेछन् ।(हाम्रो खेलकुद)
