खेलकुद

डर्टमन्डको प्रभावशाली जित, बायर्न बराबरीमा

एजेन्सी – जर्मन बुन्डेस लिगामा बोरुसिया डर्टमन्डले प्रभावशाली जित निकाल्दा डिफेन्डिङ च्याम्पियन बायर्न म्युनिख बराबरीमा रोकिएको छ। घरेलु मैदान सिग्नल इडुना पार्कमा शनिबार राति भएको खेलमा डर्टमन्डले बायर लिभरकुसेनलाई ४–० ले पराजित गरेको हो ।

डर्टमन्डको प्रभावशाली जितमा कप्तान मार्काे रिउसले दुई तथा पाको अल्कासेर र राफेल गुरेरोले गोल गरे । खेलको २८औं मिनेटमा पाको अल्कासेरको गोलमा घरेलु टोलीले पहिलो हाफमा १–० को अग्रता लिएको थियो । उनले अचरफ हाकिमीको पासलाई सदुपयोग गरेका थिए ।

५०औं मिनेटमा कप्तान मार्काे रिउसले गोल जाडोन सान्चोको पासमा गोल गर्दै डर्टमन्डको अग्रतो दोब्बर बनायो । ८३औं मिनेटमा राफेल गुरेरोले गोल गरेपछि डर्टमन्ड खेलमा ३–० ले अघि बढ्यो । इन्ज्युरी समयमा रिउसले व्यक्तिगत दोस्रो गोल गर्दै डर्टमन्डलाई ४–० को प्रभावशाली जित दिलाए ।

जितसँगै डर्टमन्ड ४ खेलबाट ९ अंक जोडेर दोस्रो स्थानमा रहेको छ । डर्टमन्ड शीर्षस्थानको आरबी लेइपजिगसँग १ अंक पछि छ । पराजित लिभरकुसेन ७ अंक जोडेर छैटौ स्थानमा छ ।

 

यता, साविकको विजेता बायर्न म्युनिखले आरबी लेइपजिगसँग १–१ गोलको बराबरी खेल्दै अंक बाँडेको छ । बायर्नले खेलमा शुरुवाती अग्रता लिएर पनि जोगाउन नसक्दा अंक बाड्न बाध्य बनेको हो । खेलको तेस्रो मिनेटमा रोबर्ट लेवान्डोस्कीको गोलमा अग्रता लिए ।

पहिलो हाफको इन्ज्युरी समयको थप गरिएको तेस्रो मिनेटमा इमिल फोसवर्गले पेनाल्टीमा गोल गर्दै खेललाई १–१ गोलको बराबरीमा ल्याएका थिए । त्यसपछि थप गोल निस्कन नसक्दा खेल बराबरीमा सकियो ।

बराबरीसँगै बायर्नले शीर्षस्थानमा उक्लने मौका गुमाएको छ । बायर्न ४ खेलबाट ८ अंक जोडेर तेस्रो स्थानमा छ । आरबी लेइपजिग समान ४ खेलबाटै १० अंक जोडेर शीर्षस्थानमा रहेको छ ।hamrokhelkud

Related Articles

Leave a Reply

Your email address will not be published. Required fields are marked *

Back to top button