एजेन्सी – इंग्लिस क्लब आर्सनलबाट लोनमा रोमा पुगेको हेनरिक मिखटारियनले डेब्यु गोल गरेपछि रोमाले इटालियन सिरी ‘ए’ फुटबलमा ससुलोमाथि ४–२ को सहज जित निकालेको छ ।
घरेलु मैदानमा रोमाको जितमा मिखटारियनसँगै ब्रायन क्रिसटान्टे, इडेन जेको र जस्टिन क्लुभर्टल गरे । ससुलोका डोमिनिको बेराडीले दुवै गोल गरे । रोमाले पहिलो हाफमा ४–० को आरामदायी अग्रता बनाउदा दोस्रो हाफमा दुई गोल बेहोरेको थियो ।
खेलको १२औं मिनेटमा ब्रायनले गोल गर्दै घरेलु टोलीलाई अग्रता दिलाएका थिए । १९औं मिनेटमा जेकोले अग्रता दोब्बर पार्दा २२औं मिनेटमा हेनरिक मिखटारियानले गोल गर्दै रोमालाई ३–० को अग्रता दिलाए ।
३३औं मिनेटमा जस्टिनले गोल गरेपछि रोमाले पहिलो हाफमै फराकिलो अग्रता लिन सफल भएको थियो । रोमाको चार गोलमध्ये तीन गोलमा लोरेन्जो पेलिग्रिनीले असिस्ट प्रदान गरेका थिए । दोस्रो हाफमा डोमिनिको बेराडीले ५३ र ७२औं मिनेटमा गोल गरेपनि ससुलोको हार टार्न सकेन ।
जितसँगै रोमा ३ खेलबाट ५ अंक जोडेर आठौं स्थानमा रहेको छ । ससुलो ३ अंकसहति १२औं स्थानमा छ ।hamrokhelkud
