‘समाचार र विचारको
साझा चौतारी’





बार्सिलोनालाई पछि पार्दै रियल शीर्षस्थानमा


एजेन्सी – क्याटलान क्लब बार्सिलोनालाई पछि पार्दै रियल म्याड्रिड स्पेनिस ला लिगामा शीर्षस्थानमा उक्लिएको छ । शनिबार राति भएको खेलमा डिपोर्टिभो अलाभेसालाई २–१ ले पराजित गर्दै रियाल शीर्षस्थानमा उक्लिएको हो ।

यद्धपि बार्सिलोनाले एक खेल कम खेलेको छ । रियलको १४ खेलबाट ३१ अंक पुगेको छ । एक खेल कम खेलेको बार्सिलोनाको २८ अंक रहेको छ । बार्सिलोनाले आज राति एट्लेटिको म्याड्रिडसँग प्रतिस्पर्धा गर्दैछ ।

शनिबार राति रियललाई जिताउन कप्तान सर्जियो रामोस र ड्यानियल कार्भाहलले गो गरे । घरेलु टोलीका लुकास पेरेजले पेनाल्टीमा एक गोल फर्काए । प्रतिस्पर्धात्मक बनेको खेलको पहिलो हाफ गोलरहित बराबरीमा सकिदा सबै तीन गोल दोस्रो हाफमा सम्भव भएको थियो ।

५२औं मिनेटमा कप्तान सर्जियो रामोसले टोनी क्रुसको पासमा गोल गर्दै रियललाई सुरुवाती अग्रता दिलाएका थिए । ६५औं मिनेटमा लुकास पेरेजले पेनाल्टीमा बराबरी गोल फर्काए । ६९औं मिनेटमा कार्भाहलले गोल गर्दै रियालाई २–१ को जित दिलाए । पराजित अलाभेसको १८ अंकसहित १४औं स्थानमा छ ।

ला लिगाकै अन्य खेलमा रियाल सोसिडाडले एइबारमाथि ४–१ को तथा रियल बेटिसले मलोर्कामाथि २–१ को जित निकालेको छ । सेल्टा डि भिगो र रियल भलाडोलिडले गोलरहित बराबरी खेल्दै अंक बाँडे ।

प्रतिकृया दिनुहोस्