‘समाचार र विचारको
साझा चौतारी’




‘बारपाकी माया’ को सिक्वेल बन्ने


फिल्मीखबर, काठमाण्डौ

अनुता गुरुङ र खिलबहादुर गुरुङ अभिनीत फिल्म ‘बारपाकी माया’ को सिक्वेल निर्माण हुने भएको छ । गोरखाको बारपाक गाउँमा छायांकन गरिएको फिल्मले गुरुङ संस्कृतिको विषयलाई उठान गरेको थियो । सिक्वेलमा भने बारपाकको जनजीवन र त्यहाँको रहनसहनलाई प्रस्तुत गरिने निर्देशक प्रितम गुरुङले जानकारी दिए । लकडाउनमा फिल्मको स्क्रिप्ट तयार पारिएको हो ।

फिल्म ‘बारपाकी माया २’ करिब ८० लाखको बजेटमा निर्माण हुने बताइएको छ । फिल्मको उत्तरी गोर्खाको बारपाक, लाप्राक, मम्चे डाँडा, धार्छेजस्ता रमणीय स्थानमा छायांकन गरिने निर्देशक गुरुङले बताए । सरकारले फिल्म छायांकनका लागि अनुमति दिएसँगै फिल्मको छायांकन सुरु गर्ने तयारीमा निर्माण टिम छ । फिल्ममा केही कलाकार पुराना र केही नयाँ हुने जनाइएको छ ।

‘बारपाकी माया’ मा २०७२ सालको महाभूकम्पअघिको बारपाकी गाउँको सुन्दर दृश्यहरु कैद गरिएको थियो । सिक्वेलमा भूकम्पपछि तहसनहस भएको गाउँको पुनर्निर्माणपछिको दृश्यहरुलाई कैद गरिनेछ । अघिल्लो श्रृंखलालाई दर्शकहरुले रुचाएका कारण सिक्वेल निर्माण गर्न लागेको निर्देशक गुरुङ बताउँछन् । फिल्मका लागि अडिसनबाट कलाकार छानिने बताइएको छ ।

प्रतिकृया दिनुहोस्