‘समाचार र विचारको
साझा चौतारी’




गोदामको देवलमुनि दब्बिएर महिलाको मृत्यु, वृद्धा घाइते



अगस्ट 1, 2020

राजगञ्ज : फुलबारी 1 नम्बर ग्राम पञ्चायतको अधिकारपल्लीमा गोदामको देवलमुनि दब्बिएर 40 वर्षीय मेहरुन निशाको मृत्यु भएको छ भने 70 वर्षीय एउटी वृद्धा घाइते भएकी छन्। प्राप्त जानकारीअनुसार गत राति 11 बजी उक्त गोदामको देवल भत्किएर एउटा घरमाथि झर्दा दुईजना महिला देवलमुनि दब्बिएर गम्भीर रूपमा घाइते भएको बताइएको छ। स्थानीय मानिसहरूको सहयोगमा गम्भीर घाइते अवस्थामा तिनीहरूलाई बाहिर निकालिइयो। घटनाको खबर पाएर न्यु जलपाईगढी थाना पुलिस घटनास्थलमा पुगेर तत्कालै दुवैलाई उत्तरबंग मेडिकल कलेज एवम् अस्पतालमा लगे तापनि चिकित्सकहरूले मेहरून निशालाई मृत घोषित गरिदिए। अर्कोतिर, अन्य वृद्धाको आशंकाजनक अवस्थामा अस्पतालमा उपचार चलिरहेको छ। उक्त गोदामको मालिकलाई देवल बलियो बनाउने धेरैपल्ट अनुरोध गरे तापनि कुनै पहल नगरेको स्थानीय मानिसहरूको आरोप रहेको छ। उक्त देवल नजिक केही घरहरू रहेको छ। आज बिहान राजगञ्जका बीडीओ एनसी शेर्पा, जिल्ला परिषद्का सदस्य देवाशीष प्रामाणिक, तृणमूल अञ्चल सभापति तपन सिंहलगायत ईयानुल हक घटनास्थलमा पुगेर घटनाबारे जानकारी लिए। बीडीओ एनसी शेर्पाले बताएअनुसार केही दिन अघि उक्त गोदामको मालिकलाई गोदामको देवल बलियो बनाउने आफूले निर्देश दिए तापनि गोदाम मालिकले यसलाई पालन नगरेकोले गर्दा नै उक्त मर्मान्तिक घटना घटेको हो। यसको साथै गोदाम मालिकलाई पत्र पठाएर आज नै उक्त देवल भत्काउने तिनले बताए। जिल्ला परिषद सदस्य देवाशीष प्रामाणिकले सम्पूर्ण घटनाबारे इलाकाका विधायक तथा पर्यटन मन्त्रीलाई अवगत गराइसकेको साथै गोदाम मालिकलाई आज नै पक्राउ गर्नेबारे थानामा लिखित अभियोग दर्ता गर्ने तिनले बताए।
सिलगढीमा इस्टबेङ्गल क्लबको 101 वर्ष पालन


अगस्ट 1, 2020 BY SILIGURI TIMES

सिलगढी : इस्टबेङ्गल क्लबले 101 वर्ष पुरा गरेको उपलक्ष्यमा आज इस्टबेङ्गल द हार्ट अफ् सिलगढी फ्यान क्लबको तर्फबाट सिलगढीको कञ्चनजङ्घा स्टेडियम अघि क्लबको झण्डा उत्तोलन गर्नको साथै केट काटेर पालन गर्यो। यस कार्यक्रममा फ्यान क्लबका सदस्यहरू उपस्थित थिए। इस्टबेङ्गल द हार्ट अफ् सिलगढी फ्यान क्लबका सदस्यहरूले बताएअनुसार यस दिनलाई धुमधामको साथमा पालन गर्ने आफूहरूको योजना रहे तापनि हाल कोरोना महामारीको कारण सामान्य रूपमा पालन गरिएको हो। यस अवसरमा क्लबका सबै सदस्यहरू आ-आफ्नो वक्तव्य राख्नको साथै कोरोना महामारीको समयमा साधारण मानिसहरूलाई सरकारी निर्देश पालन गर्ने अनुरोध पनि गरे।siliguritimes/from,india

 

प्रतिकृया दिनुहोस्