‘समाचार र विचारको
साझा चौतारी’




कलाकारको दशैँ : खानासँगै स्वास्थ्यमा उच्च प्राथमिकता


कार्तिक ८, २०७७

गोरखापत्र समाचारदाता

काठमाडौँ, कात्तिक ८ गते । दशैँमा स्वास्थ्य तथा सुरक्षित भएर चाडपर्व मान्न र खानपानमा मात्रै धेरै ध्यान केन्द्रित नगर्न कलाकारको सुझाव छ। हास्य कलाकार हरिवंश आचार्य दशँै भन्दैमा कोरोना नलाग्ने भन्ने हँुदैन, सबैले सुरक्षित भएर चाडपर्व मान्न र खानपानमा विशेष ध्यान दिन सुझाव दिनुहुन्छ । उहाँ म कोरोनाको मुखबाट आएको व्यक्ति हुँ त्यसैले कोरोनालाई आत्मविश्वास र खानपानको माध्यमबाटै पराजित गर्नुपर्छ भन्नुहुन्छ ।
नेपाल भाषा चलचित्रका निर्देशक रामकृष्ण खड्गी नेवार समुदायको भए पनि मासुबाट टाढा नै हुनुहुन्छ । उहाँ शाकाहारी भएको छ वर्ष भयो । अमानवीय ढङ्गबाट काटमार गरेको देखेपछि मासु खान मन नलागेको बताउँदै उहाँले मलाई पशुबलि मन पर्दैन । शाकाहारी हुँदा शरीर मात्र नभएर मस्तिष्क पनि शान्त बनाउँछ भन्नुभयो ।
दशैँमा आफू राइता, सिकर्नी, रसवरी, ताजा अचार, दही, फलफूल, हरिया तरकारी, फलफूल, गेडागुडी, सुप, रोटीका परिकार खाएर मनाउने उहाँ बताउनुहुन्छ ।
यता गायक रामकृष्ण दुवाल नेवारी समुदायमा मासुलाई धेरै महìवका साथ लिइन्छ । कुनै पनि पूजाका लागि मासु नै चाहिन्छ । देवीदेवताको नाममा बलि दिएर मासु हामीले खाने हो भन्नुहुन्छ । उहाँले मासु खाएर नै दशैँ मनाउने जानकारी दिनुभयो ।
अभिनेत्री दिपाश्री निरौला मासु बढी मात्रामा खानु स्वास्थ्यका हिसाबले राम्रो मानिँदैन तर पनि दशँै हो के गर्नु ? भन्नुहुन्छ । निर्माता आकाश अधिकारी चाडपर्व भन्ने बित्तिकै मासु नै खानुपर्छ भन्ने मलाई लाग्दैन । अहिले कोरोनाको महामारीमा स्वस्थकर परिकार बनाएर खान जरुरी छ। दाल,
गेडागुडी, पनिर, दूूध, कुरिलो, भटमास जस्ता खानेकुराबाट मासुको जस्तै प्रोटिन प्राप्त गर्न सकिन्छ भन्नुहुन्छ । यस्ता खानेकुराको परिकारका साथमा दशैँ मनाउन उहाँको सुझाव छ ।गोरखापत्र अनलाइन

प्रतिकृया दिनुहोस्