माने बायर्नमा अनुबन्धित


एजेन्सी – इंग्लिस क्लब लिभरपुलका सेनेगली स्टार फरवार्ड साडियो माने जर्मन बुन्डेसलिगा च्याम्पियन बायर्न म्युनिखमा अनुबन्धित भएका छन् ।

माने ३५.१ मिलियन पाउन्डमा ३ वर्षको लागि बायर्नमा अनुबन्धित भएका हुन् । अब उनी सन् २०२५ सम्मा बायर्नमा रहनेछ । लिभरपुलमा अझै एक वर्ष सम्झौता बाँकी रहँदा उनले क्लब छाड्दै बायर्न जाने निधो गरेका हुन् ।

लिभरपुलले बायर्नको सुरुवाती दुई प्रस्तावलाई नकारेपनि तेस्रो प्रस्तावलाई स्वीकारेको हो । ‘यो चुनौतीको लागि सही समय हो ।’ ३० वर्षीया मानेले भने, ‘मैले सुरुदेखि नै यो ठूलो क्लबको ठूलो चासो महसुस गरें त्यसैले मेरो दिमागमा कुनै शंका थिएन ।

‘साडियो माने विश्वका एक स्टार हुन् जसले एफसी बायर्नसँगै सम्पूर्ण बुन्डेसलिगाको आकर्षण बढाउनेछ ।’ बायर्नका अध्यक्ष हर्बर्ट हेनरले भने, ‘यो यस्तो अद्वितीय फुटबलरहरूको लागि हो कि प्रशंसकहरू स्टेडियमहरूमा आउनेछन् ।’

लिभरपुललाई च्याम्पियन्स लिग र प्रिमियर लिग जिताउन महत्वपूर्ण भुमिका निभाएका मानेले गत फेब्रुअरीमा सेनेगललाई पहिलोपटक अफ्रिका कप अफ नेसन्सको च्याम्पियन पनि बनाए ।

‘धेरै वर्षयताको उच्च अन्तर्राष्ट्रिय स्तरमा उनको उत्कृष्ट प्रदर्शन र उनको उत्कृष्ट सफलताका साथ, संसारमा उनीजस्ता थोरै खेलाडीहरू छन् ।’ बायर्नका प्रमुख कार्यकारी ओलिभर कानले भने, ‘हामी पक्का छौं कि साडियो मानेले आफ्नो शानदार खेल शैलीले आगामी वर्षहरूमा हाम्रा फ्यानहरूलाई खुशी पार्नेछन् । उहाँ महत्वाकांक्षी र थप उपाधि जित्न उत्सुक हुनुहुन्छ ।’

माने जुन २०१६ मा साउथह्याम्प्टनबाट ३४ मिलियन पाउण्डमा लिभरपुलमा आएका मानेले क्लबका लागि २६९ खेलमा १२० गोल गरेकाछन् । गत सिजनमा सबै प्रतियोगितामा २३ गोल गरेका थिए ।

मानेले क्लब छाड्ने भएसागै लिभरपुलले उरुग्वेली युवा फरवार्ड डार्विन नुनेज बेन्फिकाबाट ८५ मिलियन पाउन्डमा अनुबन्ध गरिसकेको छ ।हाम्रो खेलकुदबाट ।

50% LikesVS
50% Dislikes