बिर्तामोड। ।
झापाको बिर्तामोड स्थित डोमालाल राजबंशी रंगशालामाआज (शनिबार)देखि सुरु झापा गोल्ड कपको उद्घाटन खेलमा सशस्त्र प्रहरीको विभागीय टोली
एपिएफ फुटबल क्लबले संकटालाई टाइब्रेकरमा हराउँदै पहिलो खेलबाट विदा लिनु परेको छ । टाइब्रेकरमा एपिएफले संकटा क्लबलाई ४–२ ले हराउँदै क्वाटरफाइनलको यात्रा तय गरेको छ ।
खेलको निर्धारित समयमा दुई टिमलेनै गोल नगरेपछि टाइब्रेकरबाट खेलको नतिजा आएको हो । टाइब्रेकरमा एपिएफका सुमन श्रेष्ठ, कुलदीप कार्की, फोडे फोफोना र दिपेश धिमालले गोल गरे ।
संकटाका यमनबहादुर पुटवर र चन्दन दासले मात्र टाइब्रेकरमा गोल गरे । संकटाका अजित लामाको प्रहार विपक्षी अञ्जल श्रेष्ठले बचाए । संकटाका मौसम सुब्बाको प्रहार पोस्टमा लागेर फर्कियो ।
उद्घाटन खेलको म्यान अफ दि म्याच एपिएफका गोलकिपर एञ्जल श्रेष्ठ घोषित भए । उनले नगद ११ हजार पाएका छन् ।
भोलिको खेल चर्च वोइज युनाइटेड क्लब काठमाडौँ र नेपाल पुलिसबीच प्रतिस्पर्धा रहने आयोजकले जनाएको छ ।
झापा गोल्डकपको उद्घाटन प्रतिनिधि सभाका सभामुख देवराज घिमिरेले गरेका थिए ।
झापा गोल्ड कपका अध्यक्ष विनोद वस्नेतले गोल्डकप सफल बनाउन र रंगशाला निर्माण गर्न सबै एकजुट हुनु पर्ने बताए । वरिष्ठ उपाध्यक्ष बलराम कार्कीले स्वागत गरेको कार्यक्रमको सञ्चालन सचिवालय सदस्य केशव भट्टराईले गरेका थिए ।
