स्वास्थ्य

यस्ता छन् एमआरआइ गर्नु अघि ध्यान दिनु पर्ने ९ कुरा

१. गहना तथा अरु कुनै धातुजन्य वस्तु लगाउनु हुँदैन।

२. धातु मिसिएको वस्तु जस्तै कस्मेटिक अथवा श्रृंगारका सामग्री लगाउनु हुँदैन।

३. दाँत भरेको, दाँतमा तार हालेको अथवा शरीरको कुनै अंगमा फलामको वस्तु छ भने एमआरआइ गर्न अघिनै जानकारी दिनुपर्छ।

४. अन्य बिरामी तथा गर्भवती हो भने सुरुमा नै जानकारी दिनुपर्छ।

५. बिरामीलाई असजिलो महसुस भएमा अथवा नचली बस्न नसकेको अवस्थामा बिरामीलाई जाँचको समय बेहोस बनाउन सकिन्छ।

६. बिरामीको शरीरमा यदि ट्याटुहरु भएको खण्डमा जाँच गर्न अघि नै डाक्टरलाई खबर गर्नुपर्छ।

७. एमआरआइ मेसिनको चुम्बकको शक्ति बढि भएको कारणले कार्डियाक पेसमेकर, डिफिब्रिलेटर, कान प्रत्यारोपण, कृतिम हृदय भल्भ राखिएको बिरामीको स्क्यान गर्न सकिँदैन यदि स्क्यान गरियो भने गम्भीर समस्याहरु पैदा हुन जान्छ। त्यसैले पहिलानै जाकारी गराउन आवश्यक हुन्छ।

८. औषधि दिएर एमआरआइ गर्नु परेमा बिरामीलाई ४ घण्टाको खाली पेट चाहिन्छ साथै युरेयी र क्रियाटिनाइनको रगतको रिपोर्ट पनि लिएर जानुपर्ने हुन्छ।

९. एमआरआइ गर्न आउँदा पुरानो रिपोर्ट जस्तै एक्सरे, युएसजी, सिटी स्क्यान, तथा डिस्चार्ज कार्ड छ भने उक्त रिपोर्टहरु पनि लिएर जानुपर्छ।

– जीवन्त एड्भान्स काठमाडौं इमेजिङ                                                                                    स्वास्थ्य खबरपत्रिका

Leave a Reply

Your email address will not be published. Required fields are marked *

Related Articles

Back to top button