एजेन्सी
बलिउडका दुई सुपरस्टार सलमान खान र अक्षय कुमारको बक्सअफिस भिडन्त अब लगभग निश्चितझैँ देखिएको छ । अर्को वर्षको इदमा दुई अभिनेताको फिल्म एकसाथ प्रदर्शनमा आउँदैछ । सलमान खानको ‘किक २’ र अक्षय कुमारको ‘लक्ष्मी बम्ब’ ईदमा रिलिज हुने फाइनल भएको छ ।
पहिला अक्षयको ‘लक्ष्मी बम्ब’ जून २०२० मा रिलिज हुँदै थियो तर यसका मेकर्सले फिल्मको रिलिज प्रिपोन अर्थात् पछाडि सरे । अब यो फिल्म २२ मे २०२० मा रिलिज हुनेछ । यो डेटमा सञ्जय लीला भन्सालीको फिल्म ‘इन्शा अल्लाह’ नआउने भएपछि अब ‘किक २’ आउने निश्चित भएको छ ।
अर्को वर्षको इदमा सञ्जय लीला भन्सालीको निर्माण र निर्देशनमा बन्न लागेको फिल्म ‘इन्शा अल्लाह’ प्रदर्शनमा आउने कन्फर्म भएको थियो । तर, विविध कारणले यो फिल्मकोे निर्माण रोकिएको छ । फिल्ममा सलमानको जोडी अभिनेत्री आलिया भट्टसँग बाँधिएको छ ।
