काठमाडौं – स्वदेशमा आयोजना हुने १३ औं दक्षिण एसीयाली खेलुकद (साग) को लागि नेपाली महिला र पुरुष दुवै टोलीले प्रशिक्षण सुरु गरेका छन् । पुरुष वा महिला मध्ये एक टोलीले पोखरामा बन्द प्रशिक्षण गर्ने राष्ट्रिय खेलकुद परिषद् (राखेप) क्रिकेटका मुख्य प्रशिक्षक जगत टमाटाले जानकारी दिए ।
उनले भने,’ तालिका मिलाएर महिला र पुरुष टोलीले अभ्यास गरि रहेका छौं । दोस्रो चरणको खेलाडी छनोट पछि एक टोली प्रशिक्षणको लागि पोखरा जाने निर्णय भएको छ । दोस्रो चरणको खेलाडी छनोट पछि महिला वा पुरुष टोली मध्ये एक टोली बन्द प्रशिक्षणको लागि पोखरा जाने टमटा बताए ।
गत वर्ष पोखरा प्रिमियर लिगमा पोखरा क्रिकेट मैदानको पिचलाई लिएर निकै चर्चा भएको थियो । पोखराको पिच ब्याटिङ उपयोगी मानिन्छ। टियु क्रिकेट मैदानमा पुरुष टोलीले आइतबार र महिला टोलीले साउन ३१ गते प्रशिक्षण सुरु गरेको थियो । सागका लागि महिला र पुरुष दुवैको तीन चरणमा गरेर खेलाडी छनोट हुने बताइएको छ ।
पहिलो चरणमा पुरुष ३५ र महिला ३४ खेलाडीले प्रशिक्षणमा बोलाईएको छ । दुवै टोलीले एउटै मैदानमा प्रशिक्षण गर्दा तत्कालको लागि असर नपरेको महिला टोलीका प्रमुख प्रशिक्षक समेत रहेका जगत टमटा बताउछन् । टमटाका अनुसार अवको एक हप्तापछि सम्भवत २५ महिला क्रिकेट खेलाडी छनोट गरिने छ ।(हाम्रो खेलकुद)
