एजेन्सी – स्पेनिस ला लिगामा सेभिल्लाले रियल सोसिडाडमाथि कठिन जित निकालेको छ । घरेलु टोली सेभिल्लाले रियल सोसिडाडमाथि ३–२ को कठिन जित निकालेको हो ।
आइतबार राति भएको निकै नै प्रतिस्पर्धात्मक खेलमा मिकेल ओएरजावालको गोलको पाहुना टोलीको खेलको चौथो मिनेटमा नै शुरुवाती अग्रता लिएको थियो । तर, पाहुना टोलीको त्यो अग्रता लामो समय टिकेन । १८औं मिनेटमा घरेलु टोलीका नोलिटोले गोल गरेपछि पहिला हाफमा १–१ गोलको बराबरीमा सकिएको थियो ।
दोस्रो हाफको शुरुमै ओकाम्पसले गोल गर्दै घरेलु टोलीलाई खेलमा २–१ को अग्रता दिलाए । ८०औं मिनेटमा फ्रान्को भास्क्वेजले गोल गरेपछि सेभिल्ला जिततर्फ अग्रसर बनेको थियो । ८७औं मिनेटमा क्रिस्टियन पोर्टुले गोल गर्दै खेललाई ३–२ को अवस्थामा ल्याएका थिए । तर, त्यसपछि थप गोल निस्कन नसक्दा सेभिल्ला विजयी हुन सफल भयो ।
जितसँगै सेभिल्ला ७ खेलबाट १३ अंक जोडेर छैटौं स्थानमा उक्लिएको छ । समान १३ अंक नै रहेपनि पराजित सोसिडाड गोल अन्तरमा पाँचौ स्थानमा छ । रियाल म्याड्रिड १५ अंकसहति शीर्षस्थानमा रहेको छ ।hamrokhelkud/from
