एजेन्सी,
बलिउड अभिनेत्री रानी मुखर्जीले एकपटक फेरि सिल्भर स्क्रिनमा दमदार अन्दाजमा कमब्याक गरेकी छन् । उनको नयाँ फिल्म ‘मर्दानी २’ शुक्रबारबाट प्रदर्शनमा आएको छ । वास्तविक घटनामा आधारित भएर निर्माण भएको फिल्ममा रानीले एक निडर पुलिस अफिसरको भूमिका निभाएकी छन् । जो एक रेपिस्ट-सिरियल किलरलाई खोजीमा छिन् ।
ट्रेड एनालिस्ट तरण आदर्शले फिल्मको पहिलो दिनको कलेक्सन रिपोर्ट सार्वजनिक गरेका छन् । पहिलो दिन फिल्मले ३ करोड ८० लाखको विजनेश गरेको छ । अपेक्षाकृत ओपनिङ गर्न नसकेको फिल्मको विषयवस्तुलाई भने दर्शक र समीक्षकले मुक्तकण्ठले प्रशंसा गरेका छन् । यसलाई ‘मर्दानी’ को अघिल्लो पार्टभन्दा दमदार र थ्रिलिङ बताइएको छ ।
अपेक्षाभन्दा कमजोर ओपनिङ गरे पनि ‘मर्दानी २’ बाट अभिनेत्री रानीले आफ्नै फिल्म ‘मर्दानी’ को अघिल्लो पार्ट र ‘हिचकी’ को रेकर्ड तोडेकी छन् । ‘मर्दानी’ ले पहिलो दिन ३ करोड ४६ लाखको व्यापार गरेको थियो । भने, ‘हिचकी’ ले पहिलो दिन ३ करोड ३२ लाख छापेको थियो । यशराज ब्यानरमा बनेको ‘मर्दानी २’ लाई गोपी पुत्रनले निर्देशन गरेका हुन् ।
