प्रहरी हिरासतमा रहेका एक थुनुवाको उचारका क्रममा मृत्यु

मेचीनगर । ईलाका प्रहरी कार्यालय काँकरभिट्टाको हिरासतमा रहेका एक थुनुवाको मृत्यु भएको छ ।
तीन दिनअघि लागू औषधसहित पक्राउ परेका मेचीनगर नगरपालिका वडा नं ७ निवासी २८ वर्षीय झकबहादुर खड्काको मृत्यु भएको जिल्ला प्रहरी कार्यालय झापाका डीएसपी कृष्णकुमार चन्दले जानकारी दिए । इलाका प्रहरी कार्यालय काँकरभिट्टाको हिरासतभित्र रहेका खडका बिरामी परेपछि धुलाबारीको आम्दा अस्पतालमा भर्ना गरिएको थियो । उनको उपचारकै क्रममा सोही अस्पतालमा आज बिहान १ः५५ बजे मृत्यु भएको हो ।