महावीर नेतृत्वको नेपाल कम्युनिस्ट पार्टी( माओवादी )को युवा संगठन योङ्ग कम्युनिस्ट केन्द्र , नेपाल झापाको प्रथम जिल्ला भेला सम्पन्न भएको छ ।
शनिबार(आज) एक कार्यक्रमका बीच युवा संगठन फ्याक्सन इन्चार्ज दिलिप सिंहको प्रमुख आतिथ्यता र नेकपा)माओवादी ) झापा जिल्ला सचिव तेन्जिङहाङ को उपस्थितिमा जिल्ला समिति गठन गरिएको बताईएको छ । तेजेन कुमालको अध्यक्षतामा गठन भएको सो समितिमा बिक्रम सचिव रहेकाछन् भने १३ सदस्यीय जिल्ला समिति गठन भएको बताईएको छ ।
झापाको बिर्तामोड नगरमा भएको भेलाद्वारा निर्वाचित समितिको प्रथम बैठकले समाजमा व्याप्त वित्तीय अपराधका बिरुद्ध संघर्ष गर्दै सबैखाले बिकृति र बिसंगति बिरुद्ध युवा परिचालन गर्ने निर्णय गरेको बताईएको छ ।
