चितवन- चितवनको भरतपुर-२९ गाईघाटमा रात्रीबस दुर्घटना हुँदा २५ भन्दा बढी घाइते भएका छन् । नेपालगञ्जबाट काठमाडौंतर्फ जाँदै गरेको लु.प्र.०३-००१ख ००७७ नम्बरको बस पुलवाट करिब २० मिटर तल खोल्सिमा खसेर दुर्घटना भएको हो।
बस आज बिहान पौने पाँच बजे सेतीदोभानस्थित गाईघाटमा गाडीको टायर फड्किएर पुलबाट तल खसेर दुर्घटना भएको हाम्रा चितवनस्थित सम्वाददाता जनाएका छन् ।
घाईतेहरुको चितवनस्थित पुरानो मेडिकल कलेजमा उपचार भइरहेको नेपाल प्रहरी राजर्माग सुरक्षा तथा ट्राफिक व्यवस्थापन कार्यालय रामनगर चितवनका प्रमुख का एसपी नरेश सुवेशीले जनकारी दिनुभएको छ ।
घटनास्थलमा प्रहरी टोली उद्धारको लागि खटिरहेको छ । घटनाको विस्तृत विवरण आउन बाँकी छ ।नेपाल टिभी अनलाइनबाट ।
