पार्टी विस्तार तथा सुदृढिकरण अभियानका प्रदेश नम्बर १ का संयोजक समेत रहेका राईले समाजवादी पार्टीले समुन्नत समाज निर्माण गर्न समावेशिता, पहिचानसहितको संघीयता, प्रत्यक्ष निर्वाचित कार्यकारी राष्ट्रपति प्रणाली चाहेको बताए । अन्यायको अन्त्य गर्दै पारदर्शितासँगै सबैखाले उत्पीडनको मुक्तिका लागि लाग्न उनले कार्यकर्तालाई आग्रह गरे । उनले भने–‘भाषा, संस्कृति लोप हुँदैछ, मानव समुदायको पहिचान र अस्तित्व गुम्दै गएको यो समयमा त्यसको रक्षा समाजवादी पार्टीले मात्र गर्न सक्छ ।’
पहिचानका साथ बाँच्न पाउनुपर्ने विश्व परिस्थितिमा नेपालमा भने प्रशासनिक संघीयता मात्र आएको र यसप्रकारको प्रशासनिक संघीयताले नेपाली समाजको अपनत्व ग्रहण गर्न नसक्ने चेम्जोङको तर्क थियो । ‘संघीयता त्यस्तो ठाउँमा चाहिन्छ जहाँ बहुल समाज, बहुल राष्ट्र र बहुल संस्कृति हुन्छ, त्यहाँ संघीयताको आवश्यकता पर्दछ, उनले भने–‘जस्तै भारतमा पहिचानका आधारमा संघीयता लागू भएको छ ।’
कार्यव्रmममा समाजवादी पार्टीका केन्द्रिय सदस्य तथा एक नम्बर प्रदेशका अध्यक्ष प्रविण चाम्लिङ, केन्द्रिय सदस्य तथा प्रदेश सांसद राधा थापा, केन्द्रिय सदस्य सरसता सिंघक, प्रदेश सदस्य दिनेश दंगाल, झापा जिल्ला अध्यक्ष दिपेनवाला राई लगायतले बोलेका थिए । संघीय समाजवादी फोरम नेपाल र नयाँ शक्ति पार्टी बीच भएको समायोजन घोषणा सभाले ओमप्रकाश खापुङको अध्यक्षतामा ३१ सदस्यीय समिति घोषणा गरेको छ भने कोपिला लावतीको अध्यक्षतामा २१ सदस्यीय समाजवादी महिला समिति, प्रकाश कार्कीको अध्यक्षतामा २१ सदस्यीय युवा संगठन समितिको घोषणा पनि गरेको छ ।
विभिन्न पार्टी परित्याग गरी दुई दर्जनभन्दा बढीले समाजवादी पार्टी प्रवेश गरेको समाजवादी पार्टीका केन्द्रिय सदस्य तथा झापा इन्चार्ज धनप्रसाद गुरुङले बताए । समायोजन कार्यव्रmमको अध्यक्षता दिलिपजंग लिम्बु र ओमप्रकाश खापुङले गरेका थिए भने कार्यव्रmममा स्वागत मन्तव्य पार्टीका जिल्ला सदस्य शुकमाया लिम्बूले गरेकी थिइन । कार्यव्रmमको सञ्चालन जिल्ला सचिव पुष्प पौडेलले गरेका थिए ।
समायोजन समितिकी मेचीनगर संयोजक संगीता रौनियारले नयाँ समितिको नाम घोषणा गरेकी थिइन् भने नवप्रवेशी र नवनिर्वाचित पदाधिकारी तथा सदस्यहरुलाई अबिर, टिका तथा खादाले सम्मान गरिएको थियो । त्यसैगरी नवनिर्वाचित पदाधिकारी तथा सदस्यहरुलाई जिल्ला अध्यक्ष दिपेनवाला राईले सपथ ग्रहण गराएका थिए ।janasamsaddainik
