मूल खबर

जाडोसँगै कोरोना कठोर बन्दै, खोपको प्रतीक्षा जारी, तर निराशा बढी

१७ कार्तिक २०७७

ओमशंकर श्रेष्ठ, काठमाडौं

नेपालमा कोरोनाका कारण करिब एक हजारले ज्यान गुमाएका बेला विश्वमा १२ लाखभन्दा बढी नागरिक यसकै कारण कालको मुखमा पुगेका छन् । विश्वमा चिसो बढेसँगै कोभिडले उग्र रुप लिने संकेत देखाइसकेको छ । एकातिर मान्छे लापर्बाह बन्दै छ भने अर्कातिर संक्रमणको संख्या पनि वृद्धि भइरहेको छ ।

यसले शक्तिशालीदेखि गरिब नागरिकसम्मको कठालो समाएको छ । अमेरिकी राष्ट्रपति डोनाल्ड ट्रम्प र बेलायती प्रधानमन्त्री बोरिस जोहन्सनदेखि विश्वका थुप्रै धनाढ्य, बुद्धिजीवी, लोकप्रिय व्यक्तिहरुलाई यसले गाँजेको थुप्रै उदाहरण दोहोरिसकेका छन् ।

विश्वभरिका नाम चलेका औषधी उत्पादक कम्पनीदेखि यस भाइरसको शुरुआत भएको मुलुक चीनसमेत यसविरुद्धको खोप विकासका लागि दिनरात कसरत गर्दै छन् । मै हुँ भन्ने विकसित, शक्तिशाली तथा धनी मुलुक र वैज्ञानिकहरुसमेत यसको स्थायी उपचार कहिलेसम्ममा विश्वबजारमा आइपुग्ने हो भनेर निश्चित भविष्यवाणी गर्न सकेका छैनन् ।

विकास कार्यका त कुरै छोडौं, मानिसहरुको नियमित दिनचर्यालगायत विद्यार्थीको भविष्यसँग प्रत्यक्ष सरोकार राख्ने शिक्षण संस्थाको स्थिति पनि अस्तव्यस्त रहेको छ ।

युरोपमा अहिले कोरोना भाइरसको दोस्रो चरणको संक्रमण बढिरहेको छ । यसलाई मध्यनजर राख्दै धेरै दिनदेखि फ्रान्सले रात्रिकालीन कफ्र्यु लगाउँदै आएको छ । त्यसैको अनुसरण गर्दै बेल्जियमले सोमबारदेखि लागू हुने गरी आगामी डिसेम्बरको मध्यसम्मका लागि अत्यावश्यक सामग्री बिक्री नहुने पसलहरु र अन्य वैयक्तिक सेवाप्रदायक व्यवसायहरु बन्द हुने गरी लकडाउन जारी गरेको छ । साथै अब त्यहँँ कुनै पनि सार्वजनिक स्थानमा चार जनाभन्दा बढी व्यक्ति जम्मा हुन पाउने छैनन् ।

सुपर मार्केटहरुले एकपटक एकजना गरी अत्यावश्यक दैनिक उपभोग्य र घरायसी सामान मात्र बिक्री गर्न पाउनेछन् । शरद्कालीन विद्यालय बिदाको म्याद पनि आगामी नोभेम्बर १५ सम्मका लागि लम्ब्याइएको छ ।
यसैगरी बेलायतका प्रधानमन्त्री बोरिस जोनसनले कोरोनाको खतरालाई ध्यानमा राख्दै देशमा लकडाउन लगाउने फैसला गरेका छन् । लकडाउन नोभेम्बर ५ बाट शुरु हुने भएको छ ।

प्रधानमन्त्री जोनसनले इंग्ल्यान्डमा ४ हप्ताका लागि लकडाउन लगाइएको जानकारी दिएका छन् । यसअन्तर्गत पब, रेस्टुरेन्ट, अत्यावश्यक सामान नभएका पसल तथा अन्य सेवा सञ्चालनमाथि प्रतिबन्ध लगाइएको छ । लकडाउन नोभेम्बर ५ देखि डिसेम्बर २ सम्म रहनेछ । आगामी क्रिसमसको समय जनजीवन सामान्य बनाउने उद्देश्यले पनि यो लकडाउन गरिएको बताइएको छ ।

काठमाडौंका सिडियोदेखि मेयरसम्म पनि कोरोना संक्रमणबाट बच्न सकेनन् । दशैंपछि पुनः तिहारको तयारीका लागि देशका प्रमुख शहर र त्यसमा पनि राजधानीका तीनै शहरमा त्यतिकै चहलपहल र भिड बढ्ने निश्चितजस्तो देखिएकाले सरकार र स्थानीय प्रशासनले समयमै सुरक्षा तथा सतर्कताका उपायहरु अवलम्बन गर्ने तयारी गरेको जानकारीमा आएको छ । आर्थिक र प्राविधिक सहयोग गर्दै आएका मुलुकहरु नै धराशयी बनिरहेको वर्तमान अवस्थामा नेपाल सरकारले नीतिमा परिवर्तन ल्याउनु र व्यवहार सुधार्नु आवश्यक रहेको विज्ञहरुको धारणा छ ।

कहाँ कति कोरोना ?
यही आइतबारसम्म प्राप्त तथ्यांकअनुसार विश्वभरि कोरोनाभाइरस संक्रमणका कारण मर्नेको कुल संख्या ११ लाख ८९ हजार ४ सय ९९ पुगेको छ ।

अफ्रिका ः कुल संक्रमित संख्या १७ लाख ७६ हजार ५ सय ९५, सबैभन्दा बढी संक्रमित देखिएका पाँच अफ्रिकी मुलुकहरु ः दक्षिण अफ्रिका (७ लाख २३ हजार ६ सय ८२), मोरोक्को (२ लाख १५ हजार २ सय ९४), इजिप्ट (१ लाख ७ हजार ३ सय ७७), इथियोपिया (९५ हजार ७ सय ८९) र नाइजेरिया (६२ हजार ६ सय ९१) ।

एसिया ः कुल संक्रमित संख्या १ करोड ३४ लाख ६१ हजार २ सय ९३, सबैभन्दा बढी संक्रमित देखिएका पाँचवटा एसियाली मुलुक ः भारत (८१ लाख ३७ हजार १ सय १९), इरान (६ लाख ४ हजार ९ सय ५ सय ५२), इराक (४ लाख ७० हजार ६ सय ३३), इन्डोनेसिया (४ लाख ६ हजार ९ सय ४५) र बंगलादेश (४ लाख ६ हजार ३ सय ६४) ।

अमेरिका ः कुल संक्रमित संख्या २ करोड ५ लाख ४६ हजार ५ सय ८०, सबैभन्दा बढी संक्रमित देखिएका पाँच अमेरिकी मुलुक ः संयुक्त राज्य अमेरिका (९० लाख ४७ हजार ४ सय २७ ), ब्राजिल (५५ लाख १६ हजार ६ सय ५८), अर्जेन्टिना (११ लाख ५७ हजार १ सय ६६), कोलोम्बिया (१० लाख ६३ हजार १ सय ५१) र मेक्सिको (९ लाख १८ हजार ८ सय ११) ।

युरोप ः कुल संक्रमित संख्या ९ करोड ८४ लाख ७ सय ३६, सबैभन्दा बढी संक्रमित देखिएका पाँच युरोपेली मुलुक ः रसिया (१५ लाख ९९ हजार ९ सय ७६), फ्रान्स (१३ लाख ३१ हजार ९ सय ८४), स्पेन (११ लाख ८५ हजार ६ सय ७८), संयुक्त अधिराज्य (९ लाख ८९ हजार ७ सय ४५) र इटाली (६ लाख ४७हजार ६ सय ७४) ।

यसैगरी अफ्रिकामा कुल मृतको संख्या ४२ हजार ६ सय ८८ छ । मृतकको संख्या सबैभन्दा बढी रहेका पाँच अफ्रिकी मुलुक ः दक्षिण अफ्रिका (१९ हजार २ सय ३०), इजिप्ट (६ हजार २ सय ५८), मोरोक्को (३ हजार ६ सय २५), अल्जेरिया (१ हजार ९ सय ५६) र इथियोपिया (१ हजार ४सय ६४) ।

एसियामा कुल मृतकको संख्या २ लाख ३९ हजार ६ सय ७५ छ । मृतकको संख्या सबैभन्दा बढी रहेका पाँच एसियाली मुलुक ः भारत (१ लाख २१ हजार ६ सय ४१), इरान (३४ हजार ४ सय ७८), इन्डोनेसिया (१३ हजार ७ सय ८२), इराक (१० हजार ८ सय ६२) र टर्की (१० हजार १ सय ७७) ।

अमेरिकामा कुल मृतकको संख्या ६ लाख ४० हजार ५ सय १३ छ । मृतकको संख्या सबैभन्दा बढी रहेका पाँच अमेरिकी मुलुक ः संयुक्तराज्य अमेरिका (२ लाख २९ हजार ७ सय ८), ब्राजिल (१ लाख ५९ हजार ४ सय ७७ (मेक्सिको (९१ हजार २ सय ८९) , पेरु (३४ हजार ४ सय ११) र कोलोम्बिया (३१ हजार १ सय ३५)

युरोपमा कुल मृतकको संख्या २ लाख ६५ हजार ५ सय ६५ छ । मृतकको संख्या सबैभन्दा बढी रहेका पाँच युरोपेली मुलुक ः संयुक्त अधिराज्य (४६ हजार २ सय २९), इटाली (३८ हजार ३ सय २१), फ्रान्स (३६ हजार ५ सय ६५), स्पेन (३५ हजार ८ सय ७८) र रसिया (२७ हजार ६ सय ५६) ।newsofnepal/from

 

Leave a Reply

Your email address will not be published. Required fields are marked *

Related Articles

Back to top button