‘समाचार र विचारको
साझा चौतारी’






लेस्टर हारबाट जोगियो


वैशाख १८, २०७८

एजेन्सी – प्रिमियर लिगको शीर्ष चारको दौडमा रहेको लेस्टर सिटी १० खेलाडीमा समेटिएको साउथह्याम्टनसँग हारबाट जोगिएको छ ।

१० खेलाडीमा समेटिएको साउथह्याम्नटनसँग १–० ले पछि परेको अवस्थामा जोनी इभान्सले गोल गर्दै लेस्टरलाई हारबाट जोगाएका हुन् ।
सेन्ट मेरिज स्टेडियम ह्याम्पसायरमा शुक्रबार राति भएको खेलमा घरेलु टोली १०औं मिनेटमा १० खेलाडीमा समेटिएको थियो ।

जेमी भार्डीमाथि फल गरेपछि जान्निक भेस्टेरगार्ड सिधै रातो कार्ड खाँदै मैदानबाट बाहिरिएका थिए । तर त्यसको फाइदा लेस्टरले उठाउन सकेन । १७औं मिनेटमा वाल्कर पिटर्सको पासमा नाथन रेडमन्डको प्रहारलाई लेस्टर सिटीका गोलरक्षक कास्परले बचाउँदा लेस्टर अग्रता लिनबाट चुक्यो ।

३७औं मिनेटमा वेलफ्रेड एनडिडि र केलिची इहानाचोको समन्वयमा बनेको मुभमा युरी टिलेमान्सले मोहम्मेद सलिसुलाई बिट गर्दै गरेको प्रहार साउथह्याम्टनका गोलरक्षक एलेक्स म्याकर्थीले बचाए । ६१औं मिनेटमा साउथह्याम्टनले पेनाल्टी गोलमार्फत खेलमा अग्रता लिन सफल भयो ।

जेम्स वार्ड प्राउजको फ्रिकिकमा स्टुआर्ट आम्सट्रङको प्रहार केलिची इहानाचोले ब्लक गर्दा हातले छुन पुगेपछि रेफ्रीले साउथह्याम्टनलाई सिधै पेनाल्टी प्रदान गरेको थियो । जसमा कप्तान जेम्स वार्ड प्राउज चुकेनन् । तर, साउथह्याम्टनको त्यो अग्रता लामो समय टिकेन ।

६८औं मिनेटमा जोनी इभान्सले गोल गर्दै खेललाई १–१ गोलको बराबरीमा ल्याए । उनले केलिची इहानाचोको पासमा गोल गर्न सफल भएका थिए । खेलको अन्त्यतिर लेस्टरले लगातार आक्रमण बुनेपनि गोल गर्न नसक्दा बराबरीमा रोकिन बाध्य बन्यो ।

यो बराबरीपछि लेस्टर ३४ खेलबाट ६३ अंक जोडेर तेस्रो स्थानमा यथावत रहेको छ । साउथह्याम्टन ३७ अंक जोडेर १४औं स्थानमा रहेको छ ।hamrokhelkud/from

प्रतिकृया दिनुहोस्