झापाको काँकरभिट्टाका एक दृष्टिविहिन सहित महिलाहरुबाट लाखौँ रुपैयाँ ठगेर निरबहादुर दम्पति फरार

चौतारी पोष्ट अनलाइन

१९ असार२०७८

काँकरभिट्टा ।सिन्धुपाल्चोकका एक व्यक्तिले झापा मेचीनगर —६ काँकरभिट्टा भानुटोलका एक दृष्टिविहिन सहित५ जनामहिलाहरुकोलाखौं रुपैयाँ ठगी फरार भएका छन् । सिन्धुपाल्चोक साविक कदमवास गाविस—९ स्थायी घर भई धेरै वर्षदेखि काँकरभिट्टामा अस्थायीरुपमा बासोबास गरी कपडा र जुत्ताको
व्यवसाय गदैं आएका करीव ४५ वर्षीय निरबहादुर श्रेष्ठले चारलाख बढी रुपैयाँ ठगी फरार भएको पीडितहरुले चौतारी पोष्ट अनलाइनलाई बताएका छन् । उनीहरुका अनुसार श्रेष्ठले आफ्नो व्यवसाय बढाउनका लागि भन्दैं सापटी स्वरुप रकम लगेका थिए ।

श्रेष्ठले स्थानीय मञ्जुमाया वोसेल थापाबाट २ लाख, पवित्रा गौतमबाट १ लाख, लाइमा वेगम , मञ्जु पराजुली र कुमारी भट्टराईबाट ५०÷५० हजार र दृष्टविहिन अनिल मुखियाबाट २० हजार रुपैयाँ लगेका थिए । सवैजनाले श्रेष्ठसँग ै पटक पटक रकम फिर्ता गर्न भन्दा समेत रकम फिर्ता गर्न आलटाल गरिरहेको अहिले स—परिवारसहित अचानक फरार भएपछि अहिले आफूहरु मर्कामा परेको उनीहरुको भनाई छ । श्रेष्ठले स्थानीय एउटा घर भाडामा लिएर करीव ३ वर्षको बच्चा र श्रीमती समेत राखेका थिए ।

अहिले बच्चा र श्रीमतीसहित उनी फरार भएको भन्दैं पीडितहरुले इलाका प्रहरी कार्यालय काँकरभिट्टामा उनको खोजतलास गरी तत्काल पक्राउ गरी कारवाही गर्न निवेदन दर्ता गरेको मञ्जुमायाले बताउनुभयो । पीडितहरुको निवेदन इलाका प्रहरी कार्यालय काँकरभिट्टामा दर्ता भएको स्पष्ट पादैं प्रहरी नायव उपरीक्षक सुनिल दाहालले प्रहरीले फरार श्रेष्ठको खोजी कार्यलाई तीव्र पारेको बताए ।

‘धेरै वर्षदेखि एउटै गाउँमा बसियो’ पीडित पवित्रा गौतमले भन्नुभयो—‘’व्यवसाय बढाउछु भनेपछि हामीले पनि विश्वास गरेर रकम दिएका थियौं । अहिले अचानक फरार भपछि हामी सवैको गर्दा रकम डुब्यो । अहिले दैनिक जसो प्रहरी कार्यालय धाउनु परेको छ । ‘हामीले धेरै पटक पटक श्रेष्ठसँग रकम मागेका थियौ’ अर्की पीडित मञ्जुमायाले भनिन्—‘दिन्छु दिन्छु भन्दैं म्याद माग्ने काम मात्र भयो । अहिले एक्कासी फरार भएपछि ठगको फेला परे छौ जस्तो लाग्यो । श्रेष्ठको कोठामा अहिले केही छैन् । पसलको सवै सामान समेत लगेको देखियो । कोठा सवै खाली छ ।’ प्रहरीले फरार श्रेष्ठको हुलियाँसहित सम्बन्धित सवै ठाउँमा सूचना पठाइसकेको छ ।

श्रेष्ठको खोजतलासका लागि सादा पोशाकमा समेत प्रहरी परिचालन गरेको इलाका प्रहरी कार्यालय काँकरभिट्टाले जनाएको छ । ढिलोछिटो पीडक पक्राउ पर्ने र कानुन बमोजिमको कारवाही हुने प्रहरीले आश्वसन दिइएको छ । दृष्टिविहनि अनिलले सामाजिक सञ्चालबाट आफ्नो यो अवस्थाको रकम लिएर फरार श्रेष्ठको खोजी गरेर आफ्नो रकम फिर्ता गराईदिन सवै समक्ष आग्रह गरेकाछन् ।