खेलकुद

सारावियाको गोलमा स्पेनको पहिलो जित

एजेन्सी – फरवार्ड पाब्लो सारावियाको गोलमा स्पेनले युइएफए नेसन्स लिग ए ग्रुप २ मा पहिलो जित निकालेको छ । स्पेनले स्वीट्जरल्यान्डलाई १–० को हराएको हो ।

स्वीट्जरल्यान्डमा बिहीबार राति भएको खेलमा स्पेनको जितमा पहिलो हाफमा पाब्लो सारावियाले गरेको गोल नै निर्णायक बन्यो । उनले १३औं मिनेटमा मार्काेस लोरेन्टेको पासमा गोल गर्न सफल भएका थिए ।

घरेलु टोलीविरुद्ध बल पोसेसन राख्दै दवाव बढाएपनि स्पेनले त्यसपछि थप गोल निकाल्न नसक्दा पहिलो हाफमा पाब्लोले गरेको गोल नै निर्णायक बन्यो ।

यो जितसँगै नेसन्स लिगमा पहिलो जित निकालेको स्पेन ३ खेलबाट ५ अंक जोडेर दोस्रो स्थानमा रहेको छ । स्पेनले यसअघि पोर्चुगलसँग १–१ गोलको तथा चेक रिपब्लिकसँग २–२ गोलको बराबरी खेलेको थियो । पराजित स्वीट्जरल्यान्डले अंकको खाता खोल्न सकेको छैन ।

यो समूहमा अपराजित पोर्चुगल ७ अंक जोडेर शीर्षस्थानमा रहँदा चेक रिपब्लिक ३ अंक जोडेर तेस्रो स्थानमा रहेको छ । पोर्चुगलले बिहीबार राति चेक रिपब्लिकलाई २–० ले पराजित गर्दै छनोटमा अपराजित रहेको छ ।हाम्रो खेलकुदबाट ।

Leave a Reply

Your email address will not be published. Required fields are marked *

Related Articles

Back to top button