काँकरभिट्टा । झापाको मेचीनगर नगरपालिकाले आज बजेट पुस्तिका सार्वजनिक गरेको छ ।
नगरप्रमुख गोपाल बुढाथोकी र उपप्रमुख मीना उप्रेतीले आज नगर कार्यपालिकाको बैठकमा पुस्तिका सार्वजनिक गरेका हुन् ।
असार १० गते बसेको दोस्रो नगरसभाको पहिलो बैठकमा नगरकी उपप्रमुख मीना उप्रेतीले प्रस्तुत गरेको आव २०७९÷०८० को बजेट असार २३ गते बसेको दोस्रो बैठकले संशोधनसहित अनुमोदन गरेको थियो ।
बजेट पास भएको २४ दिनपछि नगरपालिकाले पुस्तिका छपाएर सार्वजनिक गरेको हो । सो अवसरमा वडा अध्यक्षहरु, कार्यपालिका सदस्यहरु र पत्रकारहरुको उपस्थिति रहेको थियो ।
नगरपालिकाले आव २०७९÷०८० का लागि १ अर्ब ४८ करोड ४३ लाख ६६ हजार ४५८ रुपैयाँ ३४ पैसा बराबरको बजेट अनुमोदन गरेको हो ।
