यससँगै उनी २०२५ सम्म युनाइटेडमा रहनेछन् । युनाइटेडले फर्नान्डेजलाई अनुबन्ध गर्न यसै समरमा प्रयास गरेपनि असफल भएको थियो । विन्टर सिजनको दुई दिन बाँकी रहँदा अनुबन्ध गर्न सफल भएको हो । बिहीबारै उनको ओल्ड ट्राफोर्डमा रहेको एवान ट्रेनिङ कम्प्लेक्समा मेडिकलसँगै सम्झौता भएको थियो ।

सम्झौतासँगै फर्नान्डेजले जतिबेला आफ्ना स्टार आइकन क्रिस्टियानो रोनाल्डोले युनाइटेड खेल्दै गर्दा युनाइटेडप्रति साँच्चिकै प्रेम शुरु भएको र त्यसबेला देखि यो ठुलो क्लबको प्रशंसक रहेको बताए । ‘अब म्यानचेस्टर युनाइटेडका लागि खेल्न मेरो लागि अतुलनीय हुन्छ । यस क्षणमा पुग्न कडा मिहनेत गरेको छु ।’ सम्झौतापछि फर्नान्डेजले भने, ‘म क्लबका प्रशंसकहरुलाई के वचन दिन चहान्छु भने म मेरो तर्फबाट सक्दो प्रयास गर्नेछु । जसले हामीलाई थप सफलता र ट्रफीहरु ल्याउन मद्दत गर्नेछ ।’ उनले प्रशिक्षक ओले गनर सोल्सजर र क्लबले म प्रति ठुलो विश्वास देखाएकाले उनीहरुको विश्वास मर्न नदिने बताए ।

युनाइटेडका प्रशिक्षक ओले गनरले धेरै महिनादेखि प्रयास गरिएको र उनको आगमनमा सबै प्रभावित भएको बताएका छन् । उनले युनाइटेडमा आफ्नो गोल र खेल्ने तथ्यले प्रमाणित गर्ने थपे ।

यस सिजन फर्नान्डेजले लिस्वनबाट २८ खेलमा १५ गोल गरेका छन् । उनले लिस्वनका लागि १३७ खेलमा ६३ गोल र ५२ गोलका लागि पास उपलब्ध गराएका थिए ।  पोर्चुगलका लागि १९ खेल खेलिसकेका फर्नान्डेज सन् २०१९ को युएईएफए नेसन्स लिग जित्दा टिममा मुख्य खेलाडी रहेका थिए ।

२५ वर्षीय फर्नान्डेजले २०१२/१३ सिजनमा नोभार काल्सियोबाट खेल्दै व्यवसायिक यात्रा थालेका थिए । त्यसपछि उडिनेसी र साम्पडोरियाबाट खेलेका उनी २०१६/१७ को सिजनपछि लिस्वन पुगेका थिए ।hamrokhelkud