एजेन्सी – इटालियन सिरी ‘ए’ को शीर्षस्थानमा रहेको नेपोलीले १३ अंकको स्पष्ट अग्रता लिन सफल भएको छ । आइतबार राति रोमालाई २–१ ले पराजित गरेपछि नेपोलीले १३ अंकको स्पष्ट अग्रता लिँदै उपाधि होडलाई थप मजवुत बनाएको हो ।
घरेलु मैदानमा नेपोलीको जितमा भिक्टर ओसिमहेन र जियोभानी सिमिओनले गोल गरे । रोमाका स्टेफन अल सारावेले एक गोल फर्काए ।
डिएगो अर्मान्डो म्याराडोना रंगशालामा नेपोलीको खेलको १७औं मिनेटमा भिक्टर ओसिमहेनको गोलबाट अग्रता लिन सफल भयो । ७५औं मिनेटमा स्टेफन अल सारावेले बराबरी गोल फर्काए । त्यसपछि ८६औं मिनेटमा जियोभानी सिमिओनले गोल गर्दै नेपोलीको जित पक्का गरे ।
यस जितसँगै नेपोलीको २० खेलबाट ५३ अंक पुगेको छ । दोस्रो स्थानको इन्टर मिलानको ४० अंक छ । पराजित रोमा ३७ अंक जोडेर छैटौं स्थानमा छ ।हाम्रो खेलकुदबाट ।
