अलीपुरद्वार: वनकर्मीहरूले अलीपुरद्वार जिल्लाको मदारीहाट-वीरपाड़ा ब्लकको दलमोड़ जंगलबाट एउटा मरेको अवस्थामा हात्ती उद्धार गरेको छ। उक्त फेला परेको हात्ती के कारणले मरेको हो भन्नेबारे हालसम्म थाहा नलागेको साथै उक्त हात्तीको शव जंगलमा नै पोस्टमार्टम गरिएको वन विभाग सूत्रले जनाएको छ। पोस्टमार्टमको रिपोर्ट आएपछि मात्र हात्तीको मृत्युको सटीक कारण थाहा लाग्ने बताइएको छ।  

अधिक मात्रामा गाँजासहित दुई जना पक्राउ

सिलगढ़ी: पुलिसले अभियान चलाएर भिन्न-भिन्नै ठाउँबाट अधिक मात्रामा गाँजासहित दुई जना युवकलाई पक्राउ गरेको छ। पुलिस सूत्रले दिएको जानकारी अनुसार गोप्य सुइँको थाहा पाएर बुधवार एनजेपी पुलिसले फूलबारीको पथेर साथी नजिक अभियान चलाउँदा 24 किलो 200 ग्राम गाँजासहित  सुदेव मोचारीलाई पक्राउ गरेको छ। पक्रा परेका व्यक्ति असमको कोकराझार निवासी हुन्। पक्रा परेको गाँजा तिनले असमबाट बिहारमा तस्करीको लागि ल्याइरहेका थिए। यसैगरी, आमबाड़ी पुलिसले शाहुडांगी इलाकाबाट 22 किलो 200 ग्राम गाँजासहित फणी सरकार नाम गरेको व्यक्तिलाई पक्राउ गरेको छ। पक्रा परेका दुवै आरोपीहरूलाई आज जलपाइगढी अदालतमा पेश गरियो।  

नक्सलबारी: भारत-नेपाल सिमानामा अवस्थित एसएसबी 19औ बटालियनका जवानहरूले गश्ती लगाइरहेको समय नेपालबाट अवैध रूपमा ल्याइरहेको 15 वटा गाई-गोरू जफत गरेर नजिकैको पुलिस थानामा सुम्पिदिएको छ। एसएसबी 19औ बटालियन सूत्रले दिएको जानकारी अनुसार खटखटी क्याम्पका जवानहरूले गश्ती लगाइरहेको समय नेपालबाट अवैध रूपमा गाई-गोरू तस्करी गर्न ल्याइरहेको समय एसएसबी-का जवानहरूलाई देखेपछि तिनीहरू नेपालतर्फ चम्पट कसे। यसपछि ती जफत गरिएको 15 वटा भारतीय पुलिस थानामा सुम्पिदिएको बताइएको छ।siliguritimes/from