१६ जेठ २०७८
चौतारी पोष्ट अनलाइन
काँकरभिट्टा । मेचीनगर‐६ काँकरभिट्टाका कोरोना संक्रमित एक पुरुषको निधन भएको छ ।
दुई हप्ताअघि उनलाई स्वास्थ्यमा समस्या आएपछि जेठ ९ गते एन्टिजिन परीक्षण गर्दा उनको नतिजा पोजेटिभ देखिएको थियो । ।
मेचीनगरका ६ का वडा अध्यक्ष ललित तामाङका अनुसार प्रारम्भीक परीक्षणकै क्रममा अक्सिजन लेभल कम देखिपछि सोही दिनलाई उपचारका लागि अस्पताल लगिएको थियो ।
सुरुमा धाइजन आइसोलेसन सेन्टर लगिएकोमा थप उपचार आवश्यक भएपछि उनलाई मेची अञ्चल अस्पताल भद्रपुर भर्ना गरिएको थियो ।
उपचारकै क्रममा आइतबार विहान ५ बजे उनको निधन भएको वडा अध्यक्ष तामाङले बताए ।
काँकरभिट्टास्थित भट्टराई चौकमा पान पसल गर्ने ६५ बर्षीय उनी श्रीमतीको साथमा डेरामा बस्दै आएका थिए ।
योसँगै मेचीनगरमा कोरोना संक्रमण पछि निधन हुनेको संख्या १७ पुगेको छ । जसमध्ये वडा नम्बर ६ का मात्र ७ जना रहेका छन् ।
