एजेन्सी – कोपा इटालियाको सेमिफाइनलको पहिलो लेगमा एसी मिलान र इन्टर मिलानले बराबरी खेलेका छन् । मिलान डर्वीको सेमिफाइनलको पहिलो लेग गोलरहित बराबरीमा सकिएको हो ।
मिलानोमा मंगलबार राति भएको प्रतिस्पर्धात्मक र रोमाञ्चक बनेको खेलमा दुवै टोलीले गोलका अवसर सिर्जना गरेपनि सदुपयोग हुन नसक्दा खेल गोलरहित बराबरीमा सकिएको हो ।
यो बराबरीले दुवै टोलीको फाइनल पुग्ने सम्भावना जीवित रहेको छ । अब दोस्रो लेगमा सफलता हात पार्ने टोली नै कोपा इटालियाको फाइनलमा प्रवेश गर्नेछ । दोस्रो लेग २० अप्रिलमा हुनेछ ।
अर्काे सेमिफाइनलको पहिलो लेगको खेलमा आज (बुधबार) राति फियारेन्टिना र युभेन्ट्सबीच प्रतिस्पर्धा हुँदैछ ।hamrokhelkud/from
