माघ १४, २०७७
एजेन्सी – शहरी प्रतिद्धन्द्धी एसी मिलानलाई पराजित गर्दै इन्टर मिलान कोपा इटालियाको सेमिफाइनलमा प्रवेश गरेको छ ।
इन्टरले १० खेलाडीमा समेटिएको मिलानमाथि २–१ को पूनरागमन जित निकाल्दै अन्तिम चारको यात्रा तय गरेको हो । इन्टरको जितमा रोमेलु लुकाकु र क्रिस्टियन इरिक्सनले गोल गर्दै ज्लाटन इब्राहिमोभिचको गोल सान्त्वना बन्यो ।
मिलानोमा मंगलबार राति भएको खेलमा मिलानले खेलको ३१औं मिनेटमा ज्लाटनको गोलबाट अग्रता लिएको थियो । तर मिलानले उक्त अग्रतालाई दोस्रो हाफमा जोगाउन सकेन । ५७औं मिनेटमा गोलकर्ता ज्लाटन दोहोरो पहेलो कार्ड खादै मैदानबाट बाहिरिएपछि मिलान समस्यामा परेको थियो ।
मिलान १० खेलाडीमा समेटिएको फाइनल इन्टरले उठाउन सफल भयो ।कोलारोभमाथि फल गरेपछि रेफ्रीले ज्लाटनलाई रातो कार्ड देखाउदै मैदान बाहिर पठाएका थिए । ७१औं मिनेटमा रोमेलु लुकाकुले पेनाल्टीमार्फत गोल गर्दै खेललाई १–१ गोलको बराबरीमा ल्याए ।
पेनाल्टी बक्समा राफयल लियोले निकोलो बरेल्लालाई फल गरेपछि प्राप्त पेनाल्टीमा लुकाकु चुकेनन् । ९०औं मिनेटमा क्रिस्टियन इरिक्सनले गोल गर्दै इन्टरलाई २–१ को जित दिलाउदै अन्तिम चारको यात्रा तय गराए ।hamrokhelkud/from
