खेलकुद

भिनिसियस चम्कँदा टोटेनहमको जित

मंसिर १२, २०७७

एजेन्सी – ब्राजिलियन फरवार्ड कार्लोस भिनिसियसको सानदार प्रदर्शनसँगै यूईएफए युरोपा लिगमा टोटेनहम हट्सपरले लुडोगोरेट्सलाई पराजित गरेको छ । टोटेनहम ४-०को जित दर्ता गर्न सफल रह्यो ।

खेलको १६ अौं मिनेटमा टोटेनहमले भिनिसियसको गोलमा अग्रता लिएको थियो । डेले अलीको पास डिफेन्डरलाई लाग्दै भिनिसियसको पथमा आएपछि उनले वन भर्सेस वनको स्थितिमा सहजै गोल गरे । त्यसपछि ग्यारेथ बेलले लगातार दुई फ्रिकिकको अवसर पाएपनि लुडोगोरेट्सलाई समस्या दिन सकेनन् ।

३४ अौं मिनेटमा भिनिसियसले अलीकै पासमा गोल गर्दै टोटेनहमको अग्रता दोब्बर पारे । टांगी एनडोम्बेलेको प्रहार गोलरक्षकले बचाएपछि आएको रिबाउन्डमा अलीले पास दिएपछि भिनिसियसले खाली पोस्टमा दोस्रो गोल गरे । पहिलो हाफमै बेन डेभिसको शक्तिशाली प्रहार पोस्टमा लाग्दा टोटेनहम अग्रता बढाउनबाट बन्चित भयो ‌।

६३ अौं मिनेटमा ह्यारी विङ्क्सले गोल गर्द अग्रता फराकिलो पारे । उनले झन्डै ४० यार्ड टाढाबाट गरेको प्रहार गोलरक्षकको टाउको माथिबाट गोलमा परिणत भएको थियो । ७३ अौं मिनेटमा भिनिसियसको पासमा गोल गर्दै लुकास मौराले फराकिलो जित पक्का गरे ।

समूहको अर्को खेलमा रोयल आन्टवेर्पले लास्कलाई २-० ले पराजित गर्यो ‌। उक्त खेलमा दुवै गोल दोस्रो हाफमा सम्भव भएको हो ।

अंक तालिकामा टोटेनहम र रोयल आन्टवेर्पको ९-९ अंक छ । लास्कले दुई खेल जित्दै ६ अंक जोड्दा लुडोगोरेट्स अंविहिन छ ।hamrokhelkud/from

Leave a Reply

Your email address will not be published. Required fields are marked *

Related Articles

Back to top button