किमको जस्तो कोट अरूले लगाउन नपाइने


(एजेन्सी)।

उत्तर कोरियाले अस्वाभाविक कारण छालाको लामो कोट लगाउने फेसनमाथि प्रतिबन्ध लगाएको छ । रेडियो फ्री एसियाका अनुसार उत्तर कोरियाली सर्वोच्च नेता किम जोंग उनले आफ्नो सो फेशनको कसैले नक्कल नगरून् भन्ने उद्देश्यले यो प्रतिबन्ध लगाएका हुन् । किमलाई यस्तो लामो ओभरकोट जस्तो छालाको कोट लगाएर सरकारी टेलिभिजनलगायत अन्य थुप्रै सार्वजनिक कार्यक्रमहरूमा उपस्थित हुने गरेको देखिन्छ ।

पसल–पसलमा यस्ता कोट युवा युवतीहरूलाई बिक्री नगर्न निर्देशन दिँदै प्रहरीले बिक्रीमा राखिएका तथा बाटोमा कसैले लगाएको देखेमा यस्ता कोट जफत गर्न थालेको छ । सञ्चार माध्यमले सर्वसाधारणले समेत किमको यो फेशन पछ्याउन थालेकाले यसमाथि नियन्त्रण गर्न खोजिएको जनाएको छ ।

गत जनवरीमा आठौं पार्टी कंग्रेसका वार्षिक अवसरमा आयोजित सैनिक परेडका बेला पनि उच्च पदस्थ अधिकारीहरूले त्यस्तै छालाको कोट लगाएर किमप्रति उच्च सम्मान प्रकट गरेका थिए । किमकी राजनीतिक रूपमा शक्रिशाली बहिनी किम योङ जोंगले पनि यस्तै कोट लगाएको देखेपछि कोरियाली युवतीहरूसमेत यसको पछि लागेका थिए ।

 

50% LikesVS
50% Dislikes