
एजेन्सी – ब्राजिली फरवार्ड नेयमारको गोलमा शीर्षस्थानमा रहेको पेरिस सेन्ट जर्मेन (पिएसजी) ले फ्रेन्च लिग वानमा जित निकालेको छ ।
घरेलु मैदानमा पिएसजीले मार्सेलाई १–० ले पराजित गरेको हो । पिएसजीको जितमा पहिलो हाफमा नेयमारले गरेको गोल नै निर्णायक बन्यो ।
उनले पहिलो हाफको इन्ज्युरी समयको थप गरिएको दोस्रो मिनेटमा केलियन एमबाप्पेको पासमा गोल गर्न सफल भएका थिए ।पार्क डेस प्रिन्सेसमा आइतबार राति भएको प्रतिस्पर्धात्मक र रोमाञ्चक बनेको खेलमा दुवै टोलीले गोलका केही अवसर सिर्जना गरेपनि थप गोल निस्कन नसक्दा नेयमारको गोल नै पिएसजीको जितमा निर्णायक बन्यो ।
यस जितसँगै शीर्षस्थानमा रहेको पिएसजीको ११ खेलबाट २९ अंक पुगेको छ । पिएसजीले दोस्रो स्थानमा रहेको लोरिएन्टलाई ३ अंकले पछि पारेको छ । पराजित मार्से २३ अंक जोडेर चौथो स्थानमा रहेको छ ।



