मूल खबर

झापाको काँकरभिट्टामा रहेको होल्डिङ्ग सेन्टर ब्यवस्थित नभएको भन्दै स्थानियले बुझाए मेचीनगरपालिकामा ज्ञापन पत्र (भिडियो सहित)

२० असोज २०७७
मेचीनगर ।नेपालको पूर्वी नाका काँकरभिट्टामा रहेको होल्डिङ्ग सेन्टर ब्यवस्थित नभएको भन्दै स्थानियले आज मेचीनगर नगरपालिकामा ज्ञापन पत्र बुझाएकाछन् । मेचीनगरवासीको तर्फबाट बुझाईएको सो ज्ञापन पत्रमा होल्डिङ्ग सेन्टरलाई सहज र ब्यवस्थित बनाईनु पर्ने माग रहेको छ । काँकरभिट्टाका स्थानिय बिभिन्न पेशा र ब्यवसायमा सम्बद्ध पेशाकर्मीहरुको हस्ताक्षर सहित ज्ञापन पत्र नगरका मेयर बिमल आचार्यलाई ज्ञापन पत्र बुझाईएको हो ।

स्थानिय ब्यवसायी र राजनीतिक दलका अगुवा सहितको टोली नगरपालिकामा पुगेर काँकरभिट्टामा रहेको होल्डिङ सेन्टरलाई थप ब्यवस्थित र सहज बनाउनु पर्ने गुनासो सहितका सुझाव नगरका मेयर बिमल आचार्य र उप मेयर मिना उप्रेतीलाई सुझाएका थिए । मेचीनगरवासीको तर्फबाट बुझाईएको ज्ञापन पत्रको वाचन ज्ञानेन्द्र घिमिरेले गरेका थिए भने सहजताका बारेमा नेकपाका जिल्ला नेता डिल्लीराम घिमिरे र काँग्रेस कार्यकर्ता बिना तामाङ्ग लगायतले विविध पक्षका बारेमा जानकारी सहित सुझाव प्रस्तुत गरेका थिए ।
ज्ञापन पत्र बुझेपछि मेयर बिमल आचार्यले नगरपालिकाको तर्फबाट यथाशिघ्र होल्डिङ्ग सेन्टरलाई थप सहज र ब्यवस्थित बनाउन आफु लाग्ने बताएका थिए ।उप मेयर मिना उप्रतीले तत्कालै यस विषयमा छलफल गरि निणर्य गर्ने बताइन् ।
ज्ञापन पत्र बुझाउने टोलीमा होटल ब्यवसायी राम तामाङ्ग, धुब्र गिरि, ब्यवसायी डम्बर खवास , नेपाली काँग्रेसका सचिव हस्त आङदेम्बे लगायतको उपस्थिति थियो ।

Leave a Reply

Your email address will not be published. Required fields are marked *

Related Articles

Back to top button