खेलकुद

आर्सनलसँग युनाइटेडको हार

कार्तिक १७, २०७७

एजेन्सी – इंग्लिस प्रिमियर लिगमा लन्डन क्लब आर्सनलले म्यानचेस्टर युनाइटेडलाई पराजित गरेको छ । आर्सनलले युनाइटेडलाई उसकै मैदानमा १–० ले पराजित गरेको हो ।

आर्सनलको जितमा कप्तान पिएर इमिरिक औवामियाङले दोस्रो हाफमा पेनाल्टीमार्फत गरेको गोल नै निर्णायक बन्यो ।

ओल्ड ट्राफोर्डमा आइतबार राति भएको प्रतिस्पर्धात्मक खेलको २१औं मिनेटमा मार्कुु रासफोर्डको पासमा मासन ग्रीनवुडको प्रहारलाई आर्सनलका गोलक्षक बन्ड लेनोले बचाए । ३९औं मिनेटमा विलियन र पिएर इमिरिक औवामियाङको समन्वयमा बनेको मुभमा गरेको प्रहार बारमा लागेर बाहिरिदा आर्सनल अग्रता लिनबाट चुक्यो ।

४४औं मिनेटका बुकायो साकाले फ्रि हेडरमार्फत उपलब्ध गराएको पासलाई हेक्टर बेलेरलिनले सदुपयोग गर्न सकेन । ५२औं मिनेटमा एलसान्द्रे लाकाजेटको पासमा औवामियाङको प्रहारलाई युनाइटेडका गोलरक्षक डेभिड हे गेयाले बचाए ।

६९औं मिनेटमा आर्सनलले पेनाल्टीमार्फत अग्रता लिन सफल भयो । पल पोग्वाले पेनाल्टी बक्समा हेक्छर बेरेललिनलाई लडाएपछि रेफ्रीले आर्सनललाई सिधै पेनाल्टी दिएको थियो । जसमा औवामियाङ चुकेनन् । ८५औं मिनेटमा डोनी भान डि बिकको प्रहार गोलरक्षक लेनो पोजिसनमा नरहँदा मोहम्मेद इलनिनीलाई डिफ्लेक्ट हुदै पोस्टमा लागेर फर्किदा युनाइटेड बराबरीबाट चुक्यो ।

रिवाउन्डमा प्रयास भएपनि सदुपयोग हुन सकेन । युनाइटेडले बल पोजेसनमा पकड बनाएपनि आर्सनलको पोस्टमा गलिो आक्रमण बुन्न सकेन।

जितसँगै आर्सनल ७ खेलबाट १२ अंक जोडेर नवौं स्थानमा उक्लिएको छ । पराजित युनाइटेड ६ खेलबाट ७ अंक जोडेर १५औं स्थानमा रहेको छ । प्रिमियर लिगमा युनाइटेडको यो तेस्रो हार हो ।

Leave a Reply

Your email address will not be published. Required fields are marked *

Related Articles

Back to top button