मूल खबर

गोविन्द केसीलाई भेटेपछि बाबुरामले लेखे- कुम्भकर्ण निद्रामा रहेको सरकार जागोस्

१५ आश्विन २०७७
जनादेश, काठमाडौं ।

जनता समाजवादी पार्टीका बरिष्ठ नेता एवं पूर्व प्रधानमन्त्री डाक्टर बाबुराम भट्टराईले अनशनरत डा. गोविन्द केसीको जीवन रक्षा गर्न सरकारसँग अपील गरेका छन् ।

डा केसीलाई भेट्न बुधबार शिक्षण अस्पताल पुगेका पूर्वप्रधानमन्त्री भट्टराईले चिकित्सा शिक्षा तथा स्वास्थ्य क्षेत्रमा देखिएका बेथितिविरुद्ध अनशन बसेका डा. केसीको स्वास्थ्यलाई ख्याल गरेर सरकारलाई आँखा खोल्न आग्रह गरेका छन् ।

सामाजिक सञ्जाल ट्वीटरमा भेटेको तस्विर सार्वजनिक गर्दै भट्टराईले अरूको स्वास्थ्यका लागि आफ्नो जीवन जोखिममा राख्दै अनशनरत डा. केसीको स्वास्थ्य गम्भीर बन्दै गएकोले उनका जायज माग पूरा गर्न सरकारलाई आग्रह गरेका हुन् ।

डा क‍ेसीले १९औं अनशन जुम्लाबाट सुरु गरेका थिए । तर स्वास्थ्य अवस्था विग्रिँदै गएपछि नेपालगञ्ज हुँदै काठमाडौं आएर टिचिङमा अनशनरत छन् ।

बाबुरामले विहीबार विहान फेसबुकमा फोटो सार्वजनिक गर्दै लेखेका छन्, “जनताको स्वास्थ्यनिम्ति आफ्नो स्वास्थ्य जोखिममा राख्ने डा. गोविन्द के सी लाई बचाऊँ! कुम्भकर्ण निद्रामा रहेको सरकारलाई सबैले दबाब दिऊँ!”

Leave a Reply

Your email address will not be published. Required fields are marked *

Related Articles

Back to top button