
साउन १३, २०७८
एजेन्सी – विश्व खेलकुदको कुम्भमेला ३२औं संस्करणको ग्रीष्मकालीन ओलम्पिक (टोकियो ओलम्पिक–२०२०) को चौथो दिनको खेल सकिदा आयोजक जापानले पदक तालिकामा आफ्नो शीर्षतालाई कायमै राखेको छ ।
तेस्रो दिनदेखि पदक तालिकाको शीर्षस्थानमा रहेको जापानले बुधबार दुई स्वर्ण थप्दै आफ्नो शीर्षतालाई यथावत राखेको हो । जापानले चौथो दिनको खेल सकिदा १० स्वर्ण, ३ रजत र ५ कास्य गरी कुल १८ पदक जितेको छ ।
दोस्रो स्थानमा रहेको अमेरिकाले ९ स्वर्ण, ७ रजत र ८ कास्यगरी २४ पदक हात पारेको छ । तेस्रोमा रहेको चीनले ९ स्वर्ण, ५ रजत र ७ कास्यगरी २१ पदक हात पारेको छ । अमेरिकाले चौथो दिन थप २ स्वर्ण जितेको छ । रसियन खेलाडीको टोली (आरओसी) ७ स्वर्ण, ७ रजत र ४ कास्यसहित १८ पदक जित्दै चौथो स्थानमा यतावत रहेको छ ।
इंग्ल्यान्ड ४ स्वर्ण, ५ रजत र ३ कास्यगरी कुल १२ पदकसहित शीर्ष पाँचमा अटाएका छन् । दक्षिण कोरियाले ३ स्वर्ण २ रजत र ५ कास्यगरी कुल १० पदक हात पार्दै छैटौ स्थानमा तथा अष्ट्रेलिया ३ स्वर्ण, १ रजत र ५ कास्यसहित ९ पदक जितेर सातौ स्थानमा यथावत रहेको छ । क्यानडा, फ्रान्स र कोसोभो समान २ स्वर्णसहित क्रमश आठौं, नवौं र शीर्ष १० मा अटाएका छन् ।
क्यानडाले २ स्वर्ण र समान ३ रजत र कास्य गरी कुल ८ पदक जितेको छ । फ्रान्सले २ स्वर्ण, २ रजत र ३ कास्यगरी ७ पदक हात पार्दा कोसोभोले २ स्वर्णमात्रै जितेको छ । इटाली, चाइनिज ताइपेइ, ब्राजिल, स्वीट्जरल्यान्ड, स्लोभेनिया, सर्विया, हंगेरी, ट्युनिसिया, जर्मनी, अष्ट्रिया, क्रोएसिया, इस्टोनिया, बर्मुडा, इक्वेडर, हङकङ, इरान, नर्वे, फिलिपिन्स, थाइल्यान्ड र उज्वेकिस्तानले समान १ स्वर्ण जितेका छन् ।
टोकियो ओलम्पिकमा २०५ राष्ट्र र शरणार्थी टोली गरेर हालसम्म २४ राष्ट्रले स्वर्ण जित्दा ५६ राष्ट्रले पदक जित्न सफल भएका छन् ।hamrokhelkud/from



