एजेन्सी – घरेलु टोली बर्नमाउथमाथि सानदार जित हात पार्दै म्यानचेस्टर सिटीले इंग्लिस प्रिमियर लिगको शीर्षस्थानमा रहेको आर्सनलसँगको अंक दुरी छोट्याएको छ ।
सिटीले बर्नमाउथलाई ४–१ ले पराजित गर्दै आर्सनलसँगको अंक दुरी २ मा नै कायम राखेको हो । सिटीले एक खेल बढी खेलेको छ ।
भिटालिटी स्टेडियम बर्नमाउथमा शनिबार राति भएको खेलमा सिटीको जितमा जुलियन अल्भारेज, एर्लिङ ब्राउट हालान्ड र फिल फोडेनले गोल गर्दा एक गोल उपहार पाएको थियो । बर्नमाउथका जेफर्सन लेर्माले एक गोल फर्काए ।
१५औं मिनेटमा जुलियन अल्भारेजको गोलबाट अग्रता लिएको सिटीले २९औं मिनेटमा हालान्डको गोलबाट अग्रता दोब्बर पार्यो । उनले फिल फोडेनको पासमा गोल गर्न सफल भएका थिए ।
४५औं मिनेटमा फिल फोडेनले गोल गरेपछि सिटी पहिलो हाफमा ३–० को आरामदायी स्थितिमा अघि बढ्यो । ५१औं मिनेटमा क्रिस मेपामले आत्मघाती गोल गरेपछि सिटी फराकिलो जिततर्फ अग्रसर बन्यो ।
त्यसपछि ८३औं मिनेटमा जेफर्सनले गोल गर्दै खेललाई ४–१ को स्थितिमा ल्याएपनि त्यसपछि थप गोल निस्कन नसक्दा सिटी विजयी हुन सफल भयो । यो सिटीको २ सयौं अवे जित हो ।
यस जितले सिटी २५ खेलबाट ५५ अंक जोडेर दोस्रो स्थानमा रहेको छ । एक खेल कम खेलेको शीर्षस्थानको आर्सनलको ५७ अंक छ । पराजित बर्नमाउथ २४ खेलबाट २१ अंक जोडेर १९औं स्थानमा छ ।
अर्काे खेलमा लिभरपुल घरेलु टोली क्रिस्टल प्यालेससाग गोलरहित बराबरीमा रोकिएको छ । घरेलु टोलीविरुद्ध लिभरपुलले बल पोसेसन राख्दै दवाव बढाएपनि गोल भने गर्न सकेन ।
यस बराबरीले लिभरपुल २३ खेलबाट ३६ अंक जोडेर सातौं स्थानमा रहेको छ । क्रिस्टल प्यालेस २४ खेलबाट २७ अंक जोडेर १२औं स्थानमा छ ।
अन्य नतिजा
वेस्ट ह्यामविरुद्ध नटिङहम फरेस्ट (४–०)
लिड्सविरुद्ध साउथह्याम्टन (१–०)
एभर्टनविरुद्ध एस्टन भिल्ला (०–२)
लेस्टरविरुद्ध आर्सनल (०–१)हाम्रो खेलकुदबाट ।
