स्वास्थ्य

भारतमा  २४ घण्टामा थपिए ८७ हजार कोरोना संक्रमित

२० भाद्र २०७७
एजेन्सी ।
भारतमा कोरोना संक्रमणदर भयावह देखिएको छ । लगातार चौथो दिन ८३ हजार भन्दा माथिको आँकडामा संक्रमित थपिएपछि भारत संसारमा सर्वाधिक संक्रमण दर भएको मुलुक बनेको हो ।

भारतमा गत चौबीस घण्टामा अहिलेसम्मकै सर्वाधिक दैनिक रेकर्ड बनाउँदै ८७ हजार भन्दा बढी संक्रमित थपिएका छन् । योसँगै भारतमा कोरोना संक्रमितिको संख्या ४० लाख ९१ हजार पुगेको छ ।

त्यस्तै गत चौबीस घण्टामा भारतमा १ हजार भन्दा बढी संक्रमितले ज्यान गुमाएका छन् भने र कुल मृत्यु हुनेको संख्या ६९ हजार पुगेको छ । भारतमा अहिलेसम्म कोरोना जित्नेको संख्या ३१ लाख ४ हजार भन्दा बढी छ ।

भारतमा उत्तर प्रदेश, झारखण्ड, छत्तिसगढ र ओडिशा राज्यहरूमा ह्वात्तै सङ्क्रमित बढेका हुन्। भारतको ‘हटस्पट’ भनिएको महाराष्ट्रमा सबैन्दा बढी सङ्क्रमित छन्।

भारतमा पर्याप्त मात्रामा परीक्षण हुन नसकेकोले कोरोनाभाइरस नियन्त्रणमा आउन नसकेको बताइन्छ। त्यहाँ प्रति १० लाखमा ३२,००० जनाको परीक्षण गरिएको छ।

Leave a Reply

Your email address will not be published. Required fields are marked *

Related Articles

Back to top button