राजनीति समाज र राष्ट्रको मार्गनिर्देशन गर्ने महत्वपूर्ण क्षेत्र हो। तर जब राजनीति सिद्धान्त, विचार र जनहितभन्दा व्यक्तिगत लाभ, सत्ता प्राप्ति वा स्वार्थ पूरा गर्ने माध्यम बन्न थाल्छ, त्यसलाई अवसरवाद भनिन्छ। अवसरवाद केवल व्यक्ति विशेषको व्यवहार मात्र होइन, यो एउटा राजनीतिक प्रवृत्ति पनि हो जसले लोकतन्त्र, राजनीतिक संस्कार र जनविश्वासलाई कमजोर बनाउने काम गर्दछ।
यस कार्यक्रममा हामीले अवसरवाद भनेको के हो, अवसरवादी नेता वा कार्यकर्ताको विशेषता के-कस्ता हुन्छन्, राजनीतिमा अवसरवादी प्रवृत्ति किन विकसित हुन्छ, यसले समाज र राष्ट्रलाई कस्तो प्रभाव पार्छ तथा स्वस्थ राजनीतिक संस्कार निर्माणका लागि के गर्नुपर्छ भन्ने विषयमा विस्तृत विश्लेषण गरेका छौँ।
