काठमाडौँ।
सहकारी ठगी प्रकरणमा पक्राउ परेका राष्ट्रिय स्वतन्त्र पार्टीका सभापति रवि लामिछानेलाई कास्की जिल्ला अदालतले थप १५ दिन हिरासतमै राखेर अनुसन्धान गर्न अनुमति दिएको छ। म्याद थपका लागि आज उपस्थित गराइएका रविलाई भीमलाल बेलबासेको इजलासले १५ दिनको म्याद थपको अनुमति दिएको हो।
यसअघि कार्तिक २५ गते थपिएको १३ दिने म्याद सकिएपछि आज फेरि लामिछानेलाई जिल्ला अदालतमा उपस्थित गराइएको थियो। सहकारी ठगी प्रकरणमा लामिछाने २ कत्तिकमा काठमाडौँबाट पक्राउ परेका थिए।
लामिछानेमाथि सहकारी ठगी र संगठित अपराधका साथै सम्पत्ति शुद्धीकरण मुद्दामा पनि अनुसन्धान भइरहेको छ।न्युज अफ नेपाल
